Urteroko azterketak eta araudia

URTEROKO DERRIGORREZKO AZTERKETAK

Bizi-lerroak derrigorrez ikuskatzeari buruzko informazioa. Instalazioetan jarritako erorketen aurkako sistemek erabilpenerako behar bezala daudela bermatu behar dute. Hori dela-eta, fabrikatzaileak (Fallprotec) ziurtatutako eta bermatutako enpresa batek aztertu behar ditu nahitaez, kasu honetan Ñañarri Lan Bertikalak da enpresa baimendua.

Ezarri beharreko arauak:

Honako araudiak betez egingo dira azterketak: 89/686/EE Europako Zuzentaraua eta EN 795 eta EN 353 Europako Araudiak.

Azterketen maiztasuna: Altueretatik erortzearen kontrako banakako babes-ekipamenduei buruzko UNE-EN 365:2005 arauaren arabera (4.4 artikulua, "Aldizkako azterketak egiteko aginduak"), erorketen kontrako sistemak 12 hilabetean behin aztertuko dira.

Azterketak egiteko langile baimenduak

Urtero egingo zaie azterketa bat segurtasun- edo finkatze-gailu guztiei, erabilera bermatze aldera. Azterketa instalatuta dauden sistemen fabrikatzaileak emandako prestakuntza egokia jaso duen teknikari batek egingo du. Beharrezkoa balitz, teknikariak finkatze-sistemetan espezializatuta dauden langileen laguntza jasoko luke azterketan.

Laneko Arriskuen Prebentzioko 31/95 Legeko 15. artikuluak xedatutakoaren arabera, langileek prestakuntza jaso behar dute.

'Ñañarri Lan Bertikalak' enpresak, instalatutako sistemen azterketa-eguna baliatuz, goiz batez eta gehienez ere 4 lagun presta ditzake segurtasun-kableak erabiliko dituzten pertsonek kable horiek nola erabili behar diren ikas dezaten.

INDARREAN DAGOEN ARAUDIA

Honi ezar dakiokeen indarreko araudia ezagutu nahi baduzu, jaitsi PDF fitxategia.